Netanyahu ji bo kurê xwe yê li Miami dijî parastineke çêtir dixwaze

PeyamaKurd – Hat ragihandin ku Serokwezîrê Îsraîlê Benjamin Netanyahu ji ber fikara ku Îran piştî kuştina Serokê Buroya Siyasî ya Hamasê Îsmaîl Henîyye tola xwe hilîne, daxwaza xurtkirina parêzvanên kurê xwe Yaîr Netanyahu yê li Miamiyê dijî kir.

Li gorî malpera Walla ya nûçeyan, li gorî çavkaniyên nenas ên nêzîkî Netanyahu, sekreterê taybet ê Netanyahû Yosî Şelî herî dawî bi daxwaza lêkolîna tundiya ewlehiyê li derdora Yair serî li Komîteya Şêwirmendiya Ewlehiya Kesane ya Shin Bet da.

Derbarê wê yekê ku berteka Îran û ajanên wê li hember kuştina Heniyye li Tehranê wê balê bikişîne ser kesayetiyên Îsraîlî û armancên wan li derve, Netanyahu daxwaz kir ku tedbîrên ewlehiyê li derdora kurê wî Yair bên tundkirin.

Komîteya Şêwirmendiyê da zanîn ku bi tenê însiyatî nayê spartin û daxwaza lêkolînên îstixbaratî kir ku pêwîstî bi tundkirina ewlehiyê heye.

Li gorî Walla, lêçûna jiyana salane ya Yair Netanyahu (33) ku ji Nîsana 2023an vir ve li Miami di bin parastina Servîsa Ewlekariya Giştî ya Îsraîlê (Shin Bet) de dijî, 2,5 milyon şêkel (680 hezar dolar) e.