Nûnerê Trump, Witkoff yekem car serdana Rojhilata Navîn dike

PeyamaKurd – Nûnerê Serokê Amerîkayê ji bo Karûbarên Rojhilata Navîn Steve Witkoff ji CNNê re ragihand ku ew dê ji bo agirbesta navbera Hemas û Îsraîlê vê hefteyê serdana Rojhilata Navîn bike.

Steve Witkoff got, “Divê pêşveçûn di qonaxa yekem ya agirbesta navbera Hemas û Îsraîlê de hebe, lewma ez di vê heftiyê de serdana deverê dikim, ji bo ku em di wî warî de danûstandinan bikin.”

Nûnerê Taybet ê Donald Trump da zanîn, “Mimkun e serdana min roja Çarşemê be, ez hêvîdarim em bikarin di dema xwe de dest bi qonaxa duyem ya agirbestê bikin û zêdetir revandî bên azadkirin.”

Hêjayî gotinê ye, qonaxa duyem a agirbesta Xezeyê ketiye xeteriyê û Îsraîlê jî berdana girtiyên filîstînî bipaş xistiye.

Agirbesta Xezeyê 19ê Çileyê 2025an hatibû kirin ku ji sê qonaxan pêk tê û nêzîk e qonaxa yekem a bidawî bê.

Qonaxa yekem a agirbestê ji lihevguhertina 33 rehîneyên Îsraîlî û du hezar girtiyên Hemasê pêk dihat. Qqonaxa duyem jî ji vekişîna hêzên Îsraîlê ji Xezeyê û azadkirina 60 revandiyên Îsraîlê pêk tê.