Pentagon: Êrîsa esmanî ya Amerîkayê li Sûriyê wek bersivek li ser kiryarên komên alîgirên Îranê bû

PeyamaKurd – Wezareta Parastinê ya Amerîkayê (Pentagon) ragihand ku êrîşa esmanî ya Amerîkayê danê êvarê li dijî komên alîgirên Îranê yên li Sûriyeyê wek bersivdayîna êrîşên li ser baregehên Amerîkayê yên li herêmê hat kirin.

Cîgira Berdevka Pentagonê Sabrina Singh di civîna çapemeniyê de derbarê êrîşa hewayî ya balafirên Amerîkayê yên li Sûriyeyê de agahî da.

Singh diyar kir, li ser fermana Serokomarê Amerîkayê depoyeke çekan a komên ser bi Supaya Pasdarên Şoreşa Îslamî ya Îranê (Pasdaran) li rojhilatê Sûriyê ji aliyê 2 balafirên şer ên F-16 ên girêdayî Fermandariya Navendî ya Amerîkayê (CENTCOM) ve hat xistin.

Singh bal kişand ser vê yekê ku ev operasyon hewl dide peyameke zelal bide ku Îran ji êrîşên li dijî baregehên Amerîkayê yên li herêmê berpirsyar e, Singh got, "Ev êrîşên esmanî wek bersiveke ji gef û êrîşên berdewam ên Pasdaran û komên girêdayî wê yên li dijî Amerîkayê ne. baregehên hem li Sûriye û hem jî li Iraqê."

Singh eşkere kir, êrîşa esmanî ya Amerîkayê nîşana guhertina nêzîkatiya wê ya li hemberî şerê Îsraîl û Hamasê nîne û destnîşan kir, Amerîkayê mafê xwe yê xweparastinê bi kar aniye û tu niyeta wê tune ku vê pevçûnê li herêmê zêde bike.

Ji aliyê din ve Singh da zanîn, ji 17ê Cotmehê heta niha bi balafirên bêmirov û rokêtan li dijî hêzên Amerîka û hêzên hevpeyman bi giştî 46, li Iraqê 24 û li Sûriyê 22 caran bi tevahî 46 êrîş hatine kirin û di van êrîşan de bi giştî 56 kes bi sivikî birîndar bûne.