Peyama Bakirhan a ji bo AKP û CHPê: Em ne kelûpela alîkariya destpêkê ya tu kesî ne

PeyamaKurd – Hevserokê Giştî yê DEMê Tuncer Bakirhan beriya civîna Meclîsa Partiyê di daxuyaniya xwe ya li ser hilbijartinên herêmî de wiha got: “Em ne kelûpela alîkariya destpêkê ya tu kesî ne. Em ne ew hêza yedek in ku bikarin werin ser sindoqên dengdanê da ku kesên ser û çavên wan birîn kirine derman bikin."

Hevserokê Giştî yê Partiya Wekheviya Gelan û Demokrasiyê (DEM) Tuncer Bakirhan, beriya Civîna Meclîsa Partiyê ya DEMê ya ji bo Hilbijartinên Herêmî yên 31ê Adarê axivî, derbarê stratejiyên hilbijartinê de peyam dan.

Bakirhan, da zanîn ku ew ê nebin hêza rezerve ya AK Partî û ya CHPê û weke partî wê bibin yên lîstikê ava dikin û wiha got: “Em ne kelûpela alîkariya destpêkê ya tu kesî ne. Em ne ew hêza rezervê ne ku bikaribe yên ser û çavên wan li ser sindoqan hatine birînkirin derman bikin. Çi ampûl be yan jî tîr be. Em hem lîstikê saz dikin hem jî dema hewce bike lîstikê xera dikin."

Yekemîn Civîna Meclisa Partiyê di bin serokatiya Hevserok Tûncer Bakirhan û Tulay Hatîmogullari de li Navenda Giştî ya DEM’ê pêk hat. Di civînê de wê li ser stratejiya hilbijartinê, tifaq, namzet û parêzgerên partiyê nîqaş bên kirin. Endamên PM'ê yên DEM'ê ku di civînê de diyar kirin ku ew ê stratejiyên xwe bişopînin, wê piştre stratejiyên xwe yên hilbijartinê bi çapemeniyê re parve bikin.