Piraniya kesên di kestiya koçberan ya li beravên Îtalyayê binav bû Kurd bûn

PeyamaKurd – Komeleya Koçberên Vegerandî ji Ewropayê ragihand ku piraniya kesên di keştiya koçberan de ku derengiya Yekşemê li beravên Îtalyayê binav bû, Kurd in.

Karbidestên ewlekariya peravê ya Italyanî gotin ku rayedar derengiya Yekşemê ji hêla keştiyek kêfê ya Fransî ve ji hebûna keştiyek "nîv binavbûyî" ya 120 mîl dûrî peravên Italyayê hatine hişyarkirin. Keştiya Fransî 12 koçberên sax li ser keştiya nobedariya peravê ya Îtalyayê veguhestin; yek ji wan piştî derketina bejahiyê mir.

Tê texmînkirin ku nêzî 60 kes di deryayê de winda bûne, lê lêgerîna kesên sax an jî cenazeyan berdewam dike.

Serokê Komeleya Koçberên Vegeryane yên Ewropayê Bakir Elî di civîna çapemeniyê de got, "Piraniya rêwiyên balafirê Kurdên Herêma Kurdistanê û Rojhilatê bûn û hejmareke kêm jî ji Afxanistanê bûn."

Kesên sax mane niha li navendeke bijîjkî li bajarê Roccella Lonica li başûrê Îtalyayê têne dermankirin.

Heta niha nayê zanîn ku di nava kesên hatine rizgarkirin de Kurd jî hene yan na.

Di bûyereke cuda de, termên 10 koçberan hatin dîtin piştî ku keştiya wan a darîn li girava Lampedusa ya Îtalyayê binav bû. Koma alîkariyê ya Alman RESQSHIP da zanîn ku di keştiya binavbûyî de herî kêm 61 kes hebûn û ekîban kariye 51 kesên ku 2 ji wan bêhiş ketine derxînin.

Hat diyarkirin ku kesên bêhiş ketine alîkariya tenduristiyê wergirtine û 10 cesed li qata binê binê avê ya keştiyê hatin dîtin.

Her sal bi deh hezaran kes ji Herêma Kurdistanê û Iraqê bi hêviya jiyaneke nû seferên metirsîdar ber bi Ewropayê ve diçin.

Li gor amarên Weqfa Penaber û awareyan di sala 2023an de nêzîkî 20 hezar kes ji Herêma Kurdistanê û Iraqê koçber bûne.