Qeymeqamê Hewlêrê: Me 1600 kûçikên bêxwedî birin stargehê

PeyamaKurd – Qaymeqamê Hewlêrê Nebez Ebdulhemîd ragihand ku 1600 kûçikên bêxwedî birin stargeha ku hatiye çêkirin û êrîşên kûçikan ji sedî 30 kêm bûne.

Qaymeqam Ebdulhemîd di daxuyaniya xwe ya ji K24ê de diyar kiriye, ev çend sal in li Hewlêrê hejmara kûçikên bêxwedî yên bêmal zêde bûye û têra ziyana welatiyan dike û gotiye: “Ji bo çareserkirina vê pirsgirêkê Serokatiya Encumena Wezîran daxwaza 450 milyon dînar ji bo çêkirina stargehan û komkirina van kûçikan û dermankirina wan bi rêbazên zanistî kiriye û me daxwaza budçeyê kir.”

Qaymeqamê navçeyê Ebdulhemîd tekez kiriye, wan bi terxankirina erdekî 20 dekarî li ser rêya Gwêr-Hewlêrê ji bo avakirina penagehekê dest bi rêkarên yasayî kirine. Herwaha diyar kiriye, ew penageh di heyama 2 mehan de ji aliyê şandeke taybet a ji bo şopandina rêkarên ku ji parêzgarê Hewlêrê Umêd Xoşnaw hatibû avakirin, bi dawî bû.

“Êdî pirsgirêk li stargehê nemaye û ji bo vê jî rêveberiyeke taybet hatiye avakirin. "Rojane miqdarek ji wan kûçikan (kuçikên kolanan) bi rêya tîmên ku li Hewlêrê hatine avakirin tên komkirin." Qaymeqamê navçeyê Ebdulhemîd diyar kiriye, heta niha 1600 kûçikên bêxwedî yên li Hewlêrê hatine komkirin, birine stargehê.

Nebez Ebdulhemîd daye zanîn, kûçikên ku hatine komkirin ji aliyê pijîşkan ve hatine kontrolkirin û hatine stûyê kirin. Wî jêderî gotiye, li gorî raporta jîngehê, armanca komkirina kûçikan kêmkirina metirsiyên li ser welatiyan bû û li gorî amarên tendirustiyê, piştî avakirina penagehekê rêjeya êriş û xwarbûnê ji sedî 30 kêm bûye.

Li gorî amaran li Hewlêrê nêzîkî 20 hezar kûçikên bêxwedî hene. Ji bo komkirina van kûçikan li herêma Lacana ku 15 kîlometre dûrî Hewlêrê ye, li ser erdekî 20 decarî stargehek hat çêkirin.