Qeyûm tayînî Saredariya Rêya Armûsê kirin

PeyamaKurd - Wezîrê Karên Navxweyî yê Tirkiyê, Qeymeqamê navçeyê Sînan Aslan wekî qeyûm tayînî Şaredariya Navçeya Rêya Armûşê kir. 

Hevşaredarên HDPê yên Rêya Armûşê Azîm Yacan û Şehzade Kurt, duh di 8ê mijdarê de hatibûn desteserkirin îro jî qeyûm tayînî şûna wan kirin.

Hevşaredarên Partiya Demokratîk a Gelan (HDP) yên Navçeya Rêya Armûşê ya Wanê Azîm Yacan û Şehzade Kurt duh di 8ê mijdarê de hatin desteserkirin. Polîsan duh avahiya Şaredariya Rêya Armûşê dorpêç kirin û destûr nadin kes têkevin avahiya şaredariyê. Li şûna Hevşaredar Azîm Yacan Qeymeqamê navçeyê Sinan Aslan wekî qeyûm tayîn kirin.

Nobeta endam û rêveberên HDPê ya li pêş şaredariyê jî didome. Bi tayînkirina qeyûmî bo Şaredariya Rêya Armûşê re hejmara şaredariyên HDPê ku tayînî wan hatiye kirin derkete 16yan.