Qûbad Talabanî: Divê nûnertiyeke bihêz a Kurdan li Bexdayê hebe

PeyamaKurd - Serokê Lîsta Hevpeymaniya Kurdistanê ya ji YNK û Tevgera Goran pêk tê Qubad Talebanî piştî ku dengê xwe da ragihand, “Beşeke girîng a pirsgirêkên gelê Kurd li Bexdayê ne. Lewra pêwîst e nûneratiyeke bihêz a Kurdan li Bexdayê hebe.”

Serokê Lîsta Hevpeymaniya Kurdistanê Qubad Talabanî piştî ku li navendeke dengdanê li Silêmaniyê dengê xwe da got: “Piştî hilbijartinê hinek babetên têkildarî Herêma Kurdistanê hene ku divê alî li ser wan hevgirtî bin, ku pêwîstiya wan bi yekhelwestî û hevdengiyê heye.”

Qubad Talabanî li ser posta serokomariyê jî diyar kir ku YNK hewla bidestxistina posta serokomariya Iraqê dide û li ser hevgirtina aliyên Kurdî piştî hilbijartinê wiha axivî: “Her nêrîneke ku têkildarî aramiyê be, em amade ne gotûbêj bikin û gengeşeyê li ser bikin.”

Talabanî daxwaz ji xelkê navçeyên Kurdistanî yên derveyî îdareya Herêma Kurdistanê jî kir ku biçin deng bidin û Kurdistanîbûna wan deveran bi dengê xwe piştrast bikin.

Qûbad Talabanî got: “Beşeke girîng a pirsgirêkên gelê Kurd li Bexdayê ne. Lewra pêwîst e nûneratiyeke bihêz a Kurdan li Bexdayê hebe. Ez bi giştî bi proseyê dilxweş bûm, lê nikarim pêşbîniya encaman bikim.”