Rapora Wezareta Derve ya Almanya: Li Tirkiyê azadiya derbirina ramanê nema ye

PeyamaKurd - Wezareta Derve ya Almanyayê di rapora ku derbarê Tirkiyê de belav kiriye de, got ku li Tirkiyê azadiya derbirinê hatiye rawestandin û nema ye.

Di rapora bi sernavê "Serlêdana mafê penaberiyê û rewşa deportkirinê" hatiye nivîsandin de, tê gotin: "Destûra Tirkiyê azadiya ragihandin û derbirina ramanê diparêze. Lê di rastiyê de ev maf niha nemane."

Li gorî wê raporê, li Tirkiyê medya nivîskî û ragihandin bi yek dengî belav dibe û nerînên cuda tê de nayên dîtin.

Hêjayî gotinê ye, ev raporên Wezareta Derve ya Almanya ji bo saziyên dayîna mafê penaberiyê û deportkirinê têne amadekirin û ew sazî jî li gorî van raporan biryarê ji bo penaxwazan didin.

Li gorî amaran tenê sala borî, 10 hezar û 800 hemwelatiyên Tirkiyê, ji Almanya daxwaza mafê penaberiyê kirine û nîvê wan jî ew maf standine.