Rêveberiya Xweser a herêma Cizîrê êrîsa dewleta Tirk li navçeya Tirbespiyê sermezar kir

PeyamaKurd – Rêveberiya Xweser a herêma Cizîrê bi daxuyaniyekê, êrîşa dewleta Tirk li navçeya Tirbespiyê şermezar kirin. 

Di daxuyaniyê de, bang li civata navnetewî hat kirin ku helwestê nîşan bide û ji gelên herêmê jî hate xwestin ku li dijî dagirkeriya Tirk hevgîrtin û yekîtiya xwe mezin bikin.

Rêveberiya Xweseriya Demokratîk a Herêma Cizîrê di daxuyaniya têkildarî êrişê de da zanîn, dewleta Tirk êrîşên xwe yên li dijî herêmê bênavber didomîne û wiha got: “Terora ku dewleta Tirk a dagirker pêk tîne, dewama siyasetên wê yên li dijî ewlehî û aramiya li herêmê û qirkirina gelên li Bakur û Rojhilatê Sûriyê ye û herwiha şikandina vîna gelên herêmê ye.”

Herwiha Rêveberiya Xweser êrîş şermezar kir û ji malbata şehîd re sersaxî û ji birîndaran re jî şîfa xwest.

Herî dawî bang li raya giştî û civata navnetewî kir li dijî van êrîşan helwestê nîşan bidin û rê li ber sûcên dewleta Tirk bigirin.

Bang li gelên herêmê jî hat kirin ku li dijî êrîşan hevgirtin û yekîtiya xwe mezin bikin.

Hêjayî bibîrxistinê ye ku dobalafireke bê mirov a dewleta Tirk a dagirker li ser rêya Tirbespiyê erebeyek bombebaran kir. Di encamê êrîşê de şervanek şehîd bû û û helbestvan Ferhad Merdê jî di nav de 2 kes birîndar bûn.