Rojava | Artêsa Tirkiyê û çekdarên girêdayî wê di nava 2 salan de 52 baregeh ava kirine

PeyamaKurd – Artêşa Tirkiyê û çekdarên girêdayî wê, li herêmên dagirkirî, di nava 2 salan de 52 baregeh ava kirine û bi rêya van baregehan, êrîşî Rojavayê Kurdistanê dikin.

Dewleta Tirkî, bi taybet li herêmên Girê Spî û Serêkaniyê yên dagirkirî bi dehan baregehê leşkerî ava kirine.

Li gor zanyariyan, di nava 2 salan de li wan herêman 52 baregehên leşkerî çêkirine, çekên giran û bi hezaran leşker jî li wan baregehan bi cih kirine.

Hat zanîn, baregeh bi dirêjahiya 135 km û ferehiya 30 km li xeta aniyên şer hatine avakirin.

Hejmar û cihê baregehan wiha ye:

Li gundewarên navçeya Eyn Îsayê û Girê Spî 22 baregeh.

Li Serê Kaniyê 30 baregeh û ya herî mezin jî li dibistana El-Razî ya li navenda bajêr e.

Li gundewarên Til Temirê jî 10 baregeh.

Ji bilî van baregehan, gundên Um Uşba û çewlika mirîşkan ên Til Temirê jî veguherandine qadên leşkerî.

Ev baregeh li eniyên şer ên Rojavayê Kurdistanê hatine avakirin û bi rêya wan, rojane sivîlên li herêmê rastî êrîş û topbaranê tên û di encamê de ew birîndar dibin û tên kuştin.