Rojava | CENTCOM: Êrîseke mosekî ya ser hêzên Amerîkî hat têksikandin

PeyamaKurd – Hat ragihandin ku şeva borî êrîşeke moşekî li ser hêzên Hevpeymaniya Navdewletî yên li Rimêlan a Rojavayê Kurdistanê hatiye kirin.

Fermandariya Hêzên Navendî ya Amerîkayê (CENTCOM) ragihand, li Rimêlan a Rojavayê Kurdistanê bi moşekan êrîşî hêzên hevpeymanan hatiye kirin lê êrîş hatiye têkşikandin.

CENTCOM da xuyakirin, êrîş bi moşekên 107 mm hatiye kirin û ti ziyanek negihîştiye hêzên Amerîkayê û hevpeymaniya navdewletî.

Hêjayî bibîrxistinê ye, beriya niha jî çend caran ji aliyên komên milîs ên Îranê ve êrîş bi ser hêzên Amerîka yên li Rojavayê Kurdistanê de hatibûn encamdan û hêzên Amerîkî jî binkeyên wan kiribûn armanc.