Rojhilat | 4 kolber hatin binçavkirin, îskencekirin û gulebarankirin

PeyamaKurd – Hate ragihandin ku li bajarê Banê yê Rojhilatê Kurdistanê, 4 kolberên Kurd ên xelkê bajarê Seqizê ji aliyê hêzên sînorî yên Îranê ve hatine binçavkirin û piştî îşkenceyê hatine berdan û dema berdanê jî gul li ser wan hatiye reşandin.

Li gorî nûçey Kolber Newsê, 4 kolberên xelkê bajarê Seqizê li sînorê Hengejalê yê bajarê Banê ji aliyê hêzên Îranê ve hatin binçavkirin û piştî îşkencekirineke hovane û dûr ji mirovahiyê, ew hatine azadkirin lê li dema azadkirinê jî bi guleyên saçmeyî û bi awayê rasterast teqe li wan kolberan hatiye kirin û ew birîndar kirine.

 Hate zanîn ku navê wan kolberan; Hawrê Muradî, Diyako Fetahî, Kemal Destwane û Kemal (nasnavê wî nehatiye zanîn) e.

Di nav 6 mehên destpêka sala 2024 an de 34 kolber bi destê hêzên Îranê hatine kuştin û 236 kolber jî birîndar bûne ku 20 kes ji wan birîndaran zarok in. Li gori sala borî êrîşên ser kolberan ji sedî 218 zêde bûye.