Rojhilat | Li Ûrmiyê heta niha 3 hezar û 350 kes ji koronayê mirine

PeyamaKurd - Li parêzgeha Ûrmiyê ya Rojhilatê Kurdistanê, 7 kesên din ji ber vîrûsa koronayê mirin û hejmara mirinên Covid-19 li nav sînorên Ûrmiyê gihîşt 3 hezar û 350 kesan.

Li gorî ragihandina Serokê Zanîngeha Bijîşkî ya Ûrmiyê, di nav 24 saetên borî de li parêzgeha Ûrmiyê 184 kesên din bi koronayê ketine û 7 kes jî pê mirine.

Herwiha 453 pêketiyên koronayê jî di bin çavdêriya bijîşkî de ne û rewşa 31 nexweşan nebaş e.

Bi van amarên dawî re, li nav sînorên parêzgeha Ûrmiyê hejmara mirinên ji koronayê gihîşt 3 hezar 350 kesan û hejmara pêketinan jî 90 hezar kesan derbas kir.