Rojnameya Kurdî ya yekemîn ''Kurdistan'' 123 sal berê îro hat derxistin

PeyamaKurd – Îro 22yê Nîsanê, 123yemîn salvegera yekemîn rojnameya Kurdî ya bi navê “Kurdistan” e.

Hejmara yekemîn ya rojnameya Kurdistanê, di roja 22yê Nîsana 1898an de, li paytexta Misrê-Qahîrê û ji aliyê zanayê kurd Mîqdat Midhet Bedirxan ve hat derxistin. Destpêka weşandina Rojnameya Kurdistanê, mîna xebateke neteweyî û rewşenbîrî tê nirxandin. Roja destpêka derxistina rojnameya Kurdistanê, îro ji aliyê hemû dezgehên Kurdî û herwiha ji aliyê Hikûmeta Herêma Kurdistanê ve weke destpêka rojnamegeriya Kurdî tê qebûlkirin û pîrozkirin.

Rojnameya Kurdistanê 31 hejmar weşand. Ji hejmara yekemîn, heta ya pêncemîn li Qahîrê derket, ji hejmara 6 heta 19 li bajarê Cenev a Swîsrê, ji 20 heta 23 dîsa li Qahîrê, hejmara 24 li Londonê, ji hejmara 25 heta 29 li Almanya û 30 û 31 jî dîsa li Cinêvê hat derxistin.

Hejmara 31, çapa dawî ya Rojnameya Kurdistan bû û piştî wê tu hejmareke din derneket û weşana wê bi dawî bû.

Hêjayî gotinê ye, Parlamentoya Kurdistanê do 22yê Nîsanê wekî Roja Rojnamevaniya Kurdî diyar kir.