RT: Antony Blinken îro serdana Bexdayê dike

PeyamaKurd - Çavkaniyekê hikûmeta Iraqê ji ajansa RT ya Rûsî re ragihandiye ku Wezîrê Derve yê Amerîka îro 5ê Mijdarê di çarçoveya serdana xwe ya Rojhilata Navîn de, digihe Bexdayê û bi Serokwezîrê Iraqê Mihemed Şiya Sûdanî re dicive.

Li gorî nûçeya RTyê wê Anthony Blinken di serdana Bexdayê de bi Serokwezîrê Iraqê Mihemed Şîya Sûdanî re bicive û rewşa Xezeyê gotûbêj bike.

Wezîrê Derve yê Amerîka Anthony Blinken piştî destpêkirina şerê Hamas û Îsraîl, roja Înê cara sêyem serdana Îsraîlê kir. Biryar bû Blinken pêşî serdana Enqereyê bike, lê hatiye diyarkirin ku Blinken pêşî diçe Bexdayê.