Rûsya ji Tirkiyê kirîna hinar û îsotan da rawestandin

PeyamaKurd – Serokê yekîtiya îxracatvanê rojhilatê Derya Sipî Ümit Mirza Çavuşoğlu ragihand ku Rûsya kirîna hinar û îsotan ya ku piraniya wan ji Antalyayê dikire daye rawestandin. Eger weha dewam bike tam di wexta hilberîna hinar û îsotan de wê hilberîner bikevin tengasiyan. Hilberîner dibêjin ku ew dermanê kîmyewî di hilberînê de bikarnaynin.

Ragihandina rawestandina kirîna hinar û îsotan ji aliyê ajansa Rûsyayê ji aliyê Rospotrebnadzor de hatiye kirin û biryarê jî her ew dane.

Biryara Rûsyayê do gihaye Tirkiyê û niha di navbera ataşeyên bazirganî yên Rûsya û Tirkiyê de di mijarê de hevdîtin destpêkirine.

Tirkiye sala borî bi bihayê 67 mîlyon dolarê tenê hinar û îsot firotibû Rûsyayê.