Rûsyayê cara yekem li ser sînorê Iraqê baregeheke leskerî ava kir

PeyamaKurd – Hat ragihandin ku cara yekem komên çekdarên bi ser Rûsyayê ve, li Ebûkemal a Dêrazorê nêzîkî sînorên Sûriye û Iraqê hatin bicihkirin û li herêma bin serweriya hêzên Îranê de, baregeheke xwe avakirin.

Hêzên alîgirên Rûsyayê li gundewarê Bukemal a parêzgeha Dêrazorê ya rojhilatê Sûriyê bi cih bûn ku ev cara yekem e piştî hatina Rûsyayê bo Sûriyê ji sala 2015an ve, hêzên girêdayî Rûsyayê nêzîkî sînorên Iraqê têne bicihkirin.

Çavdêriya Mafên Mirovan a Sûriyê (SOHR) jî ragihandiye, “Feyleqa 5an ku piştgiriya xwe ji Rûsyayê digire, li gelek xalên li ser sînor ên nêzî bajarê Bukemal ê rojhilatê parêzgeha Dêrazorê bi cih bûn.”

SOHR eşkere kir ku hin komên girêdayî Îranê (Tevgera Nuceba, Hizbullah a Iraqê, El-Ebdal) binkeyên xwe radestî hêzên ser Rûsyayê kirin, ku ew yek piştî lihevkirina Moskow û Tehranê pêk hatiye.

Hêjayî bibîrxistinê ye, doh 17ê Kanûnê Wezîrê Derve yê Rûsyayê Sergey Lavrov û Wezîrê Derve yê Sûriyê Feysal Miqdad li Moskowê, civiyabûn û gotûbêj li ser makenîzmayên xurtkirina pêwendiyan kiribûn.