SANA: Pistî xistina balafira Sûrî, rejîmê jî balafireke bêpîlot a Tirkî xist xwar

PeyamaKurd - Medya rejîma Sûriyê ragihand ku îro piştî ji aliyê hêzên Tirkiyê ve balafireke wan a şer hatiye xistin, wan jî balafireke bêpîlot a Tirkiyê xistiye xwar.

Ajansa SANA ya rejîma Sûriyê ragihand: "Yekîneyên artêşê balafireke bêmirov a hêzên rejîma Tirkiyê li derdora Seraqib a bejahiyên başûrê rojhilatê Idlibê xiste xwar."

Herwiha Navenda Çavdêriya Mafên Mirovan a Sûriyê (SOHR) jî ragihand ku çekdarên bi ser Tirkiyê ve pîlotê balafira şer a rejîmê ya ku îro li asîmanê Cebel El-Zawiyê hatiye xistin, li derdora herêma Dêr Sinbul dîtine.”

Beriya ku hevdîtinên Rûsya, Tirkiye û Îranê li ser rewşa Idlibê dest pê bikin, li herêma Idlibê şer dijwar bûye ku herdu alî jî dixwazin li qada şer bi ser bikevin.