Sanda Îsraîlê ji bo hevdîtinan ji nû ve çû Qahîreyê

PeyamaKurd - Hate ragihandin ku Sîxuriya Navxweyî ya Îsraîlê, ji bo beşdarî hevdîtinên danûstandinên pevguhertina dîl û girtiyan û rêveberiya Deriyê Sînor ê Refahê bibe îro diçe paytexta Misirê Qahîreyê.

Li gor nûçeya malpera “Walla” ya Îsraîlê, şandeya danûstandinan a Îsraîlê ya bi serokatiya Ronen Bar, Rêveberê Ajansa Sîxuriya Navxweyî Şîn-Betê (Şebak), wê li Qahîreyê beşdarî danûstandinên pevguhertina girtiyan û rêveberiya Deriyê Sînor ê Refahê bibe. .

Di hevdîtinan de ji bilî danûstandinên pevguhertina dîl û girtiyan, navên girtiyên ewlehiyê yên Filistînê yên ku tê plankirin bên serbest berdan, wê li ser rêveberiya siberojê ya Deriyê Sînor ê Refahê jî bê axaftin.

Deriyê Sînor ê Refahê yê di navbera Filistîn û Misrê de, ji ber ku artêşa Îsraîlê di 7ê Gulanê de aliyê Filistînê girtibû û ji bejayî ve hêrişî herêmê kiribû, hatibû girtin.

Hêrişa Îsraîlê ya Deriyê Sînor ê Refahê, rastî bertekeke tund a Qahîreyê hatibû.

Ji aliyê din ve, tê çaverêkirin ku Dîrektorê Dezgeha Sîxuriya Derve ya Îsraîlê (Mossad) David Barnea careke din biçe Dohaya paytexta Qeterê û li ser pêşniyara pevguhertina dîl û girtiyan a di navbera Tel Aviv û Hamasê de gotûbêj bike.