Sandeke Parlamentoya Kurdistanê serdana welatên Ewropayê dike

PeyamaKurd – Hat ragihandin ku şanda Komîsyona Pêwendiyan û Dîasporaya Kurdistanê ji bo li ser pirsa koçberan hevdîtinan bike, serdana welatên ewropî dike.

Komîsyona Pêwendiyan û Dîasporaya kurdistanê ya Parlamentoyê bi daxuyaniyekê ragihand ku wê di serdanê de, bi alî û nûnerên siyasî yên welatên Ewropayê re bicivin û bi taybet rewşa koçberên Kurd ên ser sînorên Polonya-Belarûsê gotûbêj bikin.

Di daxuyaniyê de hatiye diyarkirin ku ji ber berdewama krîza koçberan wan biryara vê serdanê wergirtiye û piştî serdanê jî wê li Parlamentoya Kurdistanê civîneke taybet li ser mijara koçbera were lidarxistin.

Li aliyê din, vegera koçberên Kurd ên ser sînorên Polonya-Belarûsê berdewam dike ku roja Pêncşemê yekem karwan vegeriyabû.