Sandeya Kurdistanê ji bo mûçeyên hêzên ewlehiyê serdana Bexdayê dike

PeyamaKurd - Hate ragihandin ku wê şandeyeke hevpar a Wezareta Navxweyî û Wezareta Darayî yên Herêma Kurdistanê, ji bo pirsgirêkên şandina mûçeyên hêzên ewlehiyê yên Herêma Kurdistanê gotûbêj bike serdana Bexdayê dike.

Jêderên siyasî yên Herêma Kurdistanê dan zanîn ku şandeya hevpar a Wezareta Navxweyî û Wezareta Darayî yên Herêma Kurdistanê, ji bo di derbarê çend pirsgirêkên darayî yên navbera Hewlêr û Bexdayê de danûstandinan bike, we îro biçe Bexdayê

Jêderan diyar kirin ku wê şandeya Hikûmeta Herêma Kurdistanê bi şandeyeke Hikûmeta Iraqê re bicive û hewl bide ku pirsgirêkên şandina mûçeyên hêzên ewlehiyê yên Herêma Kurdistanê çareser bike.

Hate ragihandin ku koma Wezareta Navxweyî bi serokatiya Rêber Ehmed û ya Wezareta Darayî jî bi serokatiya Awat Şêx Cenab wek şande hatine hilbiöartin.

Her wiha diyar bû ku şandeya hikûmeta Iraqê jî ji Cîgirê Serokwezîr û Wezîrê Pilandananê yê Iraqê Mihemed Temîmî, Wezîrê Avadanî û Koçberiyê Bengîn Rêkanî û çend berpirsên din pêk tê.