Iraq û Amerîka serdemeke nû ya ewlehiyê didin destpêkirin: Hêzên Pêsmerge di nav de ne

PeyamaKurd – Di daxuyaniyeke hevpar de îro, 7ê Mijdara 2025an, Iraq û Dewletên Yekbûyî yên Amerîkayê (DYA) bi fermî ketin serdemeke nû ya hevkariya ewlehiyê. Ev qonaxa nû, bi awayekî berfireh, piştgirîkirina Hêzên Pêşmerge yên Herêma Kurdistanê jî di nav xwe de digire.

Lîwa General Sebah Nu'man, berdevkê Fermandarê Giştî yê Hêzên Çekdar ên Iraqê, diyar kir ku şêwirînên teknîkî armanca "xurtkirina Iraqeke federal" û dabînkirina ewlehiya wê ya mayînde dikin. Ev rêkeftin li ser bingeha Peymana Çarçoveya Stratejîk a 2008an hate nûkirin.

Piştgiriya Pêşmerge dibe fermî 

Xala herî girng a vê hevkariya nû, tevlîkirina Pêşmergeyan di çarçoveya hevkariya ewlehiyê ya navendî de ye. Di daxuyaniyê de bi taybetî hate tekezkirin ku armanc "piştgirîkirin û xurtkirina kapasîte û amadebûna hêzên ewlehiyê yên federal ên Iraqê, di nav de Pêşmerge jî" ye.

Armancên Stratejîk:

• Parastina serweriya Iraqê.
• Bidestxistina serkeftinek domdar di têkoşîna li dijî terorîzmê (DAIŞ) de.
• Xurtkirina aramiya herêmî.
• Pêşeroja Hêzên Amerîkî

Hêzên Amerîkî û yên hevpeymaniyê yên ku niha beşek ji wan li Herêma Kurdistanê ne, tê plankirin ku heta Îlona 2026an li herêmê bimînin. Lêbelê, karbidestên Amerîkî nêzîkatiyeke nerm nîşan dan û gotin, ew ê di roja diyarkirî de gefên terorîzmê ji nû ve binirxînin, û bi dû re biryar bidin ka vekişîna tevahî pêk tê an na.

Şêwirmendî dê di mehên pêş de berdewam bikin da ku stratejiyên demdirêj ên di şerê li dijî terorîzmê de bên kûrtir kirin.