"Sandina hêzên leskerî yên Îngilîstanê ji bo Ukraynayê tê wateya ragihandina ser li dijî Rûsyayê"

PeyamaKurd – Cîgirê Serokê Konseya Ewlekariyê ya Rûsyayê Dmitriy Medvedev diyar kir ku şandina hêzên leşkerî yên Îngilîstanê ji bo Ukraynayê bi peymana ewlehiyê re tê wateya ragihandina şer li dijî Rûsyayê.

Medvedev di daxuyaniya xwe ya li ser hesabê xwe yê medyaya civakî de bertek nîşan da ku Îngilîstanê di warê ewlehiyê de bi Ukraynayê re peyman îmze kir.

Medvedev diyar kir ku Serokwezîrê Îngilîstanê Rishi Sunak ji bo peymana bi Ukraynayê re îmze bike hatiye Kîevê û diyar kir ku Ukraynayê bi bombeyên goşeyî yên ji aliyê welatên rojavayî ve hatine dayîn êrîşî bajarê Belgorod ê li başûrê Rûsyayê kir.

Medvedev li ser pirsa ku eger heyeta Îngilîz li Kîevê bi bombeyên goşeyî re rû bi rû bimîne wê Rojava çawa bertek nîşan bide û wiha got: "Tiştek din: Ez hêvî dikim ku dijminên me yên herheyî, Îngilîzên qure, fêm bikin ku şandina yekîneyên xwe yên leşkerî yên fermî li Ukraynayê tê wateya ragihandina şer li ser welatê me."

Serokê Ukraynayê Volodymyr Zelenski û Serokwezîrê Îngilîstanê Rishi Sunak li Kîevê di navbera her du welatan de peymana ewlehiyê îmze kirin.