Serok Barzanî bi sandeke bilind a siyasî ya Iraqê re civiya

PeyamaKurd - Serok Mesûd Barzanî, pêşwazî li şandeke pilebilind a Hêzên Guhartinê yên Demokrat ên Iraqê kir.

Hat ragihandin ku şande ji Sekreterê Partiya Komunîst a Iraqê Raîd Fehmî, Endamê Polîtburoya Partiya Komunîst Yasir Selîm, Serokê Şepêla Civakî Elî Refî’î, Serokê Tevgera Nazil Axiz Heqî Muşriq El-Firêcî, Serokê Pariya Mala Niştimanî Husên El- Xurabî, Serokê Partiya Mala Iraqî Mihyedîn Ensarî û Serokê Partiya Wehid Mûsa Rehmetulla pêk hatibû.

Piştî civînê hat eşkere kirin ku di hevdîtinê de rewşa siyasî ya Iraqê, astengiyên li pêşiya çalakiyên siyasî yên partiyan û rûbirûbûna qeyranên siyasî hatin gotûbêjkirin.

Di civînê de tekezî li ser hevahengiya di navbera hêzên Guhartinê yên Demokrat û Partiya Demokrat a Kurdistanê (PDK) de hat kirin.