Serok Barzanî pêswazî li Balyozê Pakistanê kir

PeyamaKurd - Serok Mesûd Barzanî, îro 27ê Tebaxê li Pîrmamê pêşwazî li Balyozê Pakistanê Mihemed Zîşan Ehmed kir.

Baregeha Barzanî piştî civînê ragihand, “Di hevdîtinê de, Balyozê Paksitanê dilxweşiya xwe ji bo avedanî û aramî û wê pêşketina ku li Herêma Kurdistanê peyda bûye diyar kir û destxweşî li Hikûmet û Serkirdetiya Herêma Kurdistanê kir.”

Balyozê Paksitanê ji Serok Barzanî re diyar kir ku welatê wî dixwaze pêwendiyeke nêzîk di warên cuda cuda yên bazirganî û çandî de bi Herêma Kurdistanê re hebin.

Di civînê de, rewşa siyasî ya Iraqê, herêmê û pêwendiyên dualî yên navbera Hikûmeta Herêma Kurdistanê-Hikûmeta Iraqê û gefên terorê li ser astê cîhanê û deverê jî hatin axaftin.