Serok Barzanî û Serokkomarê Ermenistanê Xaçaturyan civiyan

PeyamaKurd - Serok Mesûd Barzanî pêşwaziyê li Serokkomarê Ermenistanê Vahagn Xaçaturyan kir.

Serok Mesûd Barzanî li gel Serokkomarê Ermenistanê Vahagn Xaçaturyan hevdîtin pêk anî.

Serok Mesûd Barzanî bi ser hesabê xwe yê medyaya civakî ya Xê di derbarê hevdîtina Serokkomarê Ermenistanê Xaçaturyan de kêfxweşiya xwe ya li hember serdana Serokê Ermenistanê Xaçaturyan a Herêma Kurdistanê anî ziman.

Serok Barzanî di peyama xwe de got, "Me di derbarê pêwendiyên dualî yên navbera Ermenîstan û Herêma Kurdistanê de civîneke berhemdar pêk anî."

Serokkomarê Ermenîstanê Xaçaturyan ku piştî hevdîtinên xwe yên li Bexdayê îro hatibû paytext Hewlêrê, li Firokexaneya Hewlêrê ya Navneteweyî ji aliyê Serokê Herêma Kurdistanê Nêçîrvan Barzanî ve hatibû pêşwazîkirin.