Serokê Çînê, ligel Serokwezîrê Gurcistanê civiya

PeyamaKurd- Li gorî agahiyên hatin ragihandin, Serokê Dewletê Çînê Xi Jingping, li Çengduyê bi Serokwezîrê Gurcistanê Irakli Garibaşvili re hevdîtin kir. 

Li gorî hat ragihandin, Xi destnîşan kir ku di navbera Çîn û Gurcistanê de pêbaweriya dualî ya siyasî xurt bûye û di hevkariyê de serkeftinên girîng hatin bidestxistin. 

Serokê Çînê Xi Jinping li Chengdu, navenda parêzgeha Sichuan li başûrê rojavayê Çînê bi serokwezîr Irakli Garibaşvili re hevdîtin kir.

Xi destnîşan kir ku di 31 salên piştî damezirandina pêwendiyên dîplomatîk de Çîn û Gurcistanê baweriya hevbeş a siyasî xurt kirine û di hevkariyê de di warên cuda de serkeftinek berbiçav bi dest xistine.

Xi her wiha got ku di serdana Garibaşvili de herdu aliyî dê daxuyaniyeke hevpar bidin û avakirina hevkariyeke stratejîk a Çîn û Gurcistanê ragihînin û got ku Çîn û Gurcistan divê vê gavê wekî destpêkek nû bihesibînin û têkiliyên dualî bi perspektîfek stratejîk û demdirêj plansaz bikin, pêşkeftina qayîm û bi îstîqrar a hevkariyên stratejîk pêş bixin û ji bo geşepêdan û vejandina herdu welatan hêzek peyda bikin.