Serokê Herêma Kurdistanê îro tê hilbijartin

PeyamaKurd -  Îro Parlamentoya Kurdistanê ji bo dengdana li ser hilbijartina Serokê Herêma Kurdistanê dicive, ku pênc kes bo wî postî berbijêr in û PDKê  Nêçîrvan Barzanî bihêztirîn berbijêr e.

Cîgirê Serokê Komîteya Karûbarê Yasayî ya Parlamentoya Kurdistanê Ebas Fetah ji medya Kurdistanê re re ragihand, rêkarên pêwîst ji bo berbijêrên Serokê Herêma Kurdistanê temam bûne.

Li gor rêkeftina navbera PDK, Tevgera Goranê û YNKê dê piraniya dengan ya parlamenteran deng bidin Nêçîrvan Barzanî daku bibe serokê nû yê Herêma Kurdistanê. Nêçîrvan Barzanî ji bilî fraksyonên Goran û YNKê ji aliyê çend fraksiyonên din ên nav Parlamentoya Kurdistanê ve tê piştevanîkirin. Serokê Fraksyona Bereya Turkumanî Aydin Meirûf jî ji medya Kurdistanê re

Li gor zanyariyên berdest, merasîma sondxwarina Serokê Herêma Kurdistanê dikeve piştî betlaneyên cejna Remezanê. Fraksyona Nivşê Nû beşdarî civîna îro ya Parlamentoya Kurdistanê nabe û herdu fraksyonên Komela Îslamî û Yekgirtûya Îslamî jî deng nadin ti berbijrekî.

Namzedê posta Serokê Herêma Kurdistanê ku ji aliyê Desteya Serokatiya Herêma Kurdistanê ve navê wan hatiye ragihandin, ev in: “Nêçîrvan Barzanî, Umêd Ebduselam Qadir, Mihemed Hemesalih Omer, Rêbwar Ezîz Mistefa û Hîwa Ebdullah Xidir.”