Serokê Herêmê pêswaziya Balyoza Fînlandê kir

Di hevdîtina ku li avahiya serokatiyê ya li paytext Hewlêrê pêk hat de her du aliyan di derbarê xwestekên dualî yên pêşxistina pêwendiyên Herêma Kurdistan û Fînlandê û bi armanca berfirekirina hevkariyan geşkirina warên cuda ên aborî destnîşan kirin.

Aliyan her wiha rewşa siyasî û ewlehî ya herêmê û Iraqê û gringiya parastina aştî û aramiya herêmê tekez kirin.

Serokê Herêma Kurdistanê Nêçîrvan Barzanî, ji bo beşdariya Fînlandê ya Hevpeymaniya Navneteweyî ya dijî DAIŞê spasiya Fînlandê kir û pesnê piştgiriya vî welatî ya di dema şerê DAIŞê ya ji bo Iraq û Herêma Kurdistanê da.

Di hevdîtinê de li gel geşedanên metirsîdar ên Rojhelata Navîn, her wiha encamên şerê Rûsya û Ûkraynayê jî hate nîqaşkirin.