Serokwezîr 180 milyon dînar alîkarî ji bo çêkirina deriyê perestgeha Lalesê pejirand

PeyamaKurd – Serokê Hikûmeta Herêma Kurdistanê, 180 milyon dînar alîkarî ji bo çêkirina deriyê serekî yê perestgeha Laleş a Kurdên Êzîdî pejirand.

Şêwirmendên Serokê Hikûmeta Herêma Kurdistanê yê Karûbarên Kurdên Êzîdî Şêx Şamo diyar kiriye: ‘‘Lijneyeke taybetmend dîzayna deriyê serekî yê perestgeha Laleşê pejirand.’’

Şêx Şamo daye zanîn: ‘‘Serokê Hikûmeta Herêma Kurdistanê Mesrûr Barzanî, 180 milyon dînar ji bo çêkirina deriyê serekî pejirandiye.’’

Herwiha serpereştyarê nûjenkirina perestgeha Laleşê, endazyar Xalîd Nermo eşkere kiriye: ‘‘Dîzayna derî ji aliyê endazyarên Kurdên Êzîdî ve hatiye pêkanîn û lijneya serpereştiya nûjenkirinê, Civata Ruhanî û Mîrê Kurdên Êzîdî jî pejirandiye.

Xalîd Nermo diyar kiriye, piştî pareyê ku hatiye cudakirin ji bo projeya çêkirina derî, dê demekî nêzîk de dest bi cîhbicîhkirina projeyê bê kirin.