Serokwezîrê berê yê Îsraîlê Olmert: Em ber bi serê navxweyî ve diçin

PeyamaKurd – Serokkomarê berê yê Îsraîlê Ehud Olmert ji Kanala 4 a Îngilîstanê re têkildarî rêziknameya hiqûqî ya nîqaşî ya ku ji aliyê hikumeta Serokwezîr Benjamin Netanyahu ve li Meclîsê hate qebûlkirin de nirxandinek kir.

Olmert ê ku bi piştgiriya xwe ya ji bo protestoyên ku ji meha Çileyê vir ve li dijî qanûna ku wê kontrola Dadgeha Bilind a li ser îcrayê li Îsraîlê bê rakirin tê naskirin wiha got: "Ev ji her demê girantir xetere ye. Em ber bi şerê navxweyî ve diçin."

Olmert ku tevî îstiqrara welêt û îhtimala wendakirina şiyana hukûmetê ya rêvebirinê jî hevoka "bêîteatiya sivîl" bikar anî got: "Hikûmetê biryar da ku bingehên demokrasiya Îsraîlê tehdîd bike û ev tiştek e ku em ne dikarin qebûl bikin û ne jî tehemûl bikin."

"Reforma dadwerî" ya ku Wezîrê Dadê yê Îsraîlê Yariv Levîn di 5ê Çile de ragihandibû pêşnûmeqanûnên cûrbecûr yên wekî bisînorkirina rayeyên Dadgeha Bilind û rayeya xwedîlêderketinê di tayînkirina dadwerî de dihewîne.

Serokwezîr Benjamin Netanyahu di 27ê Adarê de ragihandibû ku ew rêziknameya edlî ya ku bû sedema zêdebûna xwepêşandan û grevên girseyî li seranserê welêt paşve xistine, lê ragihandibû ku ew ê rêziknameya dadrêsî dîsa bînin rojevê piştî ku budceya 2023-2024 di dawiya Gulanê de ji aliyê Meclîsê ve hat pejirandin.

Hikûmetê herî dawî piştî ku danûstandinên bi muxalefetê re rawestiyan, dîsa bişkoja rêziknameya dadrêsî xistibû.

Pêşnûmeya qanûna ku wê di çarçoveya rêziknameya hiqûqî ya bi nakok de kontrola Dadgeha Bilind ji hikûmetê rabike, tevî hemû bertekên muxalefeta siyasî û civakî îro li Meclîsê hat qebûlkirin.

Zêdeyî 10 hezar rezervên li Îsraîlê ragihandin ku ji bo protestokirina rêziknameya edlî ya hikûmetê ew ê erka xwe ya artêşa dilxwaz terk bikin.

Navên ku li Îsraîlê di siyaset, artêş, ewlekarî, aborî û dadweriyê de meqamên bilind girtine diyar kirin ku ew li dijî rêziknameya darazê ya hikûmetê ne.

Xwepêşandanên li dijî rêziknameya edlî ya hikûmeta Netanyahu li Îsraîlê 7 meh in berdewam dikin.