Sewqiyata Tirkiyê li ser sînorê Rojavayê Kurdistanê didome

PeyamaKurd -  Artêşa Tirkiyê hêzeke leşkerî ku ji wesayîtên zirxî û serbazan pêk dihat, şand herêmên li ser sînorê navbera Bakur û Rojavayê Kurdistanê.‎

Li gor medyaya Tirkiyê, karwanê leşkerî ku ji wesayîtên zirxî û serbazan pêk dihat, ji bajarên cuda yên Tirkiyê weke piştevanî bo ‎yekîneyên ser sînor gehişte bajarê Kilîsê yê Bakurê Kurdistanê.

Karwanê demjimêrên şevê di bin tevdîrên ewlekariyê de, gehişte xeta sînorî ya navbera Bakur û Rojavayê Kurdistanê, çû Deriyê Sînorî yê Oncupinarê, dûv re ber bi xeta sînor dewam kir.

Hat ragihandin, leşker û wesayîtên zirxî wekî piştevanî ji bo yekîneyên Tirkiyê yên li ser sînor hatine şandin.