Sînan Ogan pistgiriya xwe bo Erdogan ragihand: Me HDP ji rola kilît derxist!

PeyamaKurd – Namzedê hilbijartinên serokomariyê yê 14ê Gulanê Sînan Ogan ku kampanyayeke nijadperestîya Tirk meşandibû û bi rêjeya %5,2yê dengan hiştibû hilbijartina serokomariyê bimîne gera duyem, îro 22yê Gulanê namzedê ku di gera duyem a 28ê Gulanê piştgiriya wî bike eşkere kir.

Sînan Ogan, di daxuyaniyeke rojnamevanî de ragihand ku ew dê ji bo gera duyem a hilbijartinên serokomariyê piştgiriya Recep Tayyip Erdogan bike.

Ogan got ku ew di kampanyaya xwe de bi ser ketine û niha hem opozîsyon hem jî deshilat hatiye ser gotina wan ku HDPê ji rola kilît hatiye derxistin.

Sînan Ogan piştgiriya xwe ya bo Erdogan jî wiha ragihand: "Piştî danûstandinên li ser prensîban derket holê ku gera duyem a 28ê Gulana 2023yan xwedî girîngiyeke krîtîk e. Em bi herdu hevpeymaniyan re jî axivîn. Me ji bo gera duyem biryar da ku piştgiriya namzedê Tifaqa Cumhur Recep Tayyip Erdogan bikin.”