SOHR: DAISê hevdem êrîsî hêzên rejîmê û HSDê kir

PeyamaKurd – Çavdêriya Mafên Mirovan li Sûriyê (SOHR) ragihand ku çekdarên rêxistina terorîst DAIŞê hevdem êrîş birine ser xalên hêzên rejîma Sûriyê û Hêzên Sûriya Demokratîk.

Li gorî SOHRê çekdarên DAIŞê li gundewarên rojavayê Dêrazorê bi çekên giran û teqemeniyên RPG êrîşî xaleke HSDê kir ku derbarê ziyanan de agahî nehatin belavkirin.

SOHRê daye xuyakirin ku çekdarên DAIŞê hevdem êrîşî leşkerên rejîmê jî kirine û di êrîşa li Xutaya Rojhilat de 2 leşkerên sûrî hatine kuştin.

Hatiye diyarkirin ku li Hûmsê jî di encama êrîşeke din de 3 kes hatine kuştin.

Dîsa li gorî SOHRê ji destpêka meha Sibatê ve 12 endamên hêzên Asayîşa Rojava û HSDê di êrîşên terorîstên DAIŞê de can dane.