SOHR: Hêzên Tirk di 2021ê de li Sûriye û Rojavayê Kurdistanê 40 sivîl kustin

PeyamaKurd – Çavdêriya Mafên Mirovan li Sûriyê (SOHR) ragihand ku hêzên Tirkiyê li Sûriyê û Rojavayê Kurdistanê di sala 2021an de heta meha Tebaxê 40 sivîl kuştine di nav wan de 4 jin û 16 zarok hene.

SOHRê di rapora xwe ya dawî de diyar kir, 24 welatiyên Sûrî li ser sînor bi guleyên Cendirmeyên Tirkiyê hatine kuştin û 15 sivîl di moşekbarana hêzên Tirkiyê li ser navçeyên gundewarê Bakur û Rojhilatê Helebê û gundewarê Reqayê hatine kuştin.

SOHRê eşkere kir, li Hesekê û Idlibê 24 sivîl ku di nav de jinek û 6 zarok jî hene ji aliyê cendermeyên Tirkiyê ve hatine kuştin ku herwiha li parêzgeha Îdlibê keçeke biçûk ji aliyê zirxpoşeke Tirkiyê ve hatiye kuştin.