Stoltenberg: Zelenskiy ser rawestîne, Ukrayna namîne, Pûtîn rawestîne ser diqede!

PeyamaKurd - Sekreterê Giştî yê NATOyê Jens Stoltenberg, li ser şerê berdewam ê Ûkrayna-Rûsyayê ragihand ku divê ew xwe ji şerekî demdirêj re amade bikin.

Stoltenberg di hevpeyivîna ligel koma medyayî ya Almanî Funke de wiha got: “Piraniya şeran ji dema ku tê pêşbînîkirin dirêjtir dom dikin, ji ber vê yekê, divê em xwe ji bo şerekî demdirêj li Ukraynayê amade bikin.”

Stoltenberg got: “Em hemû hêvîya aştiyeke bilez dikin. Lê di heman demê de divê em zanibin: Eger Serok Zelensky û Ukraynî şer rawestînin, Ukrayna wê nemîne.”

Sekreterê Giştî yê NATOyê da zanîn: “Lê ger Serok Putîn û Rûsya çekên xwe deynin wê demê em ê aşitiyê pêk bînin.”

Stoltenberg li ser daxwaziya Ukraynayê ya endamtila NATOyê jî diyar kir, “Guman tune ye ku Ukrayna di dawiyê de dê bibe endamê NATOyê.”