Swêd û Tirkiye wê li Brukselê bicivin!

PeyamaKurd – Nûnerên Swêd, Tirkiye û NATOyê wê îro li baregeha NATO ya li Brukselê bicivin û li ser endamtiya Swêdê gotûbêj bikin.

Nûnerên Swêd, Tirkiye û NATOyê wê îro li baregeha NATO ya li Brukselê bicivin û li ser endamtiya Swêdê gotûbêj bikin. Wezîrê Karên Derve Hakan Fîdan wê di civînê de nûnertiya Tirkiyeyê bike.

Serokomarê Tirkiyê Recep Tayyîp Erdogan şeva borî di pêwendiyeke telefonî de ligel Serokwezîrê Holandayê Mark Rutte got, “guhertina yasaya dij-terorê ya Swêdê gaveke rast bû, lê ev gav bê encam bû, ji ber ku destûr hat dayîn alîgirên PKKê xwepişandan."

Tirkiye û Macarîstan tenê man ku endamtiya Swêdê ya NATOyê nepejirînin.

Macaristana ku li gorî welatên din ên Yekîtiya Ewropayê bi Rûsyayê re têkiliyên wê baştir in, berê diyar kiribû ku ger Tirkiye erê bike, ew ê endamtiya Swêdê jî qebûl bikin.

Swêd piştî dagirkirina Ûkraynayê ji aliyê Rûsyayê ve ji bo endamtiya NATOyê serlêdana Fînlandiyayê kir, lê her du welat jî ji aliyê Tirkiyeyê ve hatin astengkirin.