Tenduristiya Iraqê: 36 milyon doz derziyên vîrusa Koronayê wê bigîhe Iraqê

PeyamaKurd – Wezareta Tenduristiya Iraqê bi daxuyaniyekê diyar kir, 36 milyon doz derziyên vîrusa Koronayê wê bigîhe Iraqê û beşa Herêma Kurdistanê jî di nav de ye.

Rêveberiya Tenduristiya Giştî li Wezareta Tenduristiya Iraqê Riyaz Helfî di daxuyaniyeke ji bo rojnameya fermî ya Iraqê de da zanîn, daxwaza pêbendbûna bi tedbîrên xwe parastina ji şewba vîrusa Koronayê kir.

Riyaz Helfî eşkere kir: ‘‘Heta dawiya sala 2021ê, wê 36 milyon doz derziyên vîrusa Koronayê ku bi giştî jî 46 milyon derzî ne, wê bigîhe Iraqê û beşa Herêma Kurdistanê jî di nav de ye.