Terorîstên DAISê 2 sivan û karkarek revand û 400 serî pezê wan dizîn

PeyamaKurd – Çavdêriya Mafên Mirovan a Sûriyê (SOHR) ragihand ku çekdarên rêxistina terorîst DAIŞê li nêzîkî gundê Madan Etîqê yê li rojavayê Dêrazorê, 2 şivan û karkerekî wan revandin. Terorîstan herwiha 400 serî pezên wan jî dizîn.

SOHRê daye xuyakirin ku bûyer doh 29ê Tîrmehê li nêzîkî gundê Madan Etîqê yê li rojavayê Dêrazorê qewimiye û çekdaran piştî revandina şivanan û karkerekî, traktora wan jî şewitandine û 400 serî pezên wan dizîne.

Hate diyarkirin ku bûyer li herêmeke di bin kontrola rejîma Sûriyê de rû daye û hêzên Şamê ketine rewşa amadebaşiyê.

Li gorî SOHRê çekdarên DAIŞê piştre her du şivan serbest berdane lê karker bernedane û pez jî ji xwe re birine.