Ukraynayê banga çekan û perwerdekirina pîlotan li Almanyayê kir

PeyamaKurd - Wezîrê Derve yê Ukraynayê Dmitri Kuleba bang li hikûmeta Almanyayê kir ku bilez çekan bide wan û pîlotên Ukraynayê ji bo balafirên şer ên perwerde bike.

Wezîrê Derve yê Ukraynayê Dmitri Kuleba ji rojnameya Almanî Bild am Sonntag re daye xuyakirin, di demeke artêşa Rûsya rûbirûyî êrîşên rûsî dibe de kêmbûna cebilxaneyê hejmarek pirsgirêkan bi xwe re tîne.

Kuleba got ku kompaniyên çekan ên Almanî meha borî di konferansa ewlehiyê ya Munîhê de gotine, ew amade ne çekên xwe radest bikin bi şertê ku hikûmeta Alman îmze bike.

Kuleba diyar kir: "Em hêvî nakin ku ew zû werin radestkirin, lê bi her awayî divê perwerdekirina pîlotên Ukraynî were amadekirin. Eger Almanya pîlotên Ukraynayê perwerde bike, ew ê peyameke zelal bi beşdariya xwe ya siyasî re bişîne."