Wezareta Berevaniya Ûkrayna: 4.300 leskerên rûsî hatin kustin, 146 tank hatin ruxandin

PeyamaKurd – Wezareta Berevaniya Ûkraynayê derbarê windayên leşkerên rûsî yên heta roja 4emîn a êrîşa ser Ûkraynayê de daxuyanî da.

Wezaretê ragihandiye ku di encama şerê 4 rojan de 4 hezar û 300 leşkerên rûsî hatine kuştin û 146 tankên wan hatine ruxandin.

Herwiha wezaretê daye xuyakirin ku rojavayê paytext Kîevê ji nû ve ketiye kontrola wan û nîvê wesayîtên leşkerên Rûsyayê yên ketine bajarê Xarkovê jî hatine îmhakirin.

Reportedly video of a Russian checkpoint outside of Sumy. Looks like a Rys vehicle and tank both on fire. https://t.co/dH9lbwetpN pic.twitter.com/eM7kyLMSkA

— Rob Lee (@RALee85) February 27, 2022

Herwiha berpirsên Ûkraynî diyar dikin ku di roja 4em a şer de guherîneke mezin a meydanî çênebûye û Rûsya ji ber ku înîsîyatîf ji dest daye dixwaze muzakere li Mînskê bêne kirin.