Wezareta Perwerdehiyê: Datayên 7 hezar dibistanên Kurdistanê hatin tomarkirin

PeyamaKurd - Wezîrê Perwerdehiyê yê Herêma Kurdistanê Alan Heme Seîd îro 25ê Sibatê di civîneke rojnamevanî de ragihand ku datayên heft hezar dibistanên hikûmî û nehikûmî hatine tomarkirin.

Alan Heme Seîd li ser Platforma Kitêbxane û Rahênanê eşkere kir, “Me kariye tevaya datayên zêdetirî heft hezar dibistanên hikûmî û nehikûmî tomar bikin” û got, “Em hewl didin vê sîstemê pêş bixin, berdewam bikin û xizmetkariyan bi rêya vê platformê berfireh bikin”.

Alan Heme Seîd bi bîr xist, “Hemû ew arîşeyên ku di rêya me de bûn, wekî nebûna dibistanên gundan, nebûna internetê û nebûna keresteyên pêdivî li navendên xwendinê ji arîşeyên serekî bûn, lê bi piştevaniya rasterast a Serokê Hikûmeta Herêma Kurdistanê ji bo proseya perwerdeyê û dîjîtalkirin û dabînkirina pêdiviyan, heta niha şeş hezar laptop li ser navendên xwendinê hatine parvekirin”.

Heme Seîd diyar kir, navendên nehikûmî jî têkelî vê sîstemê bûne, bikarînerên vê sîstemê roleke wan a girîng hebû, ku niha hejmara wan ji 11 hezar bikarînerên xwendinê derbas bûye, ev jî ji bilî birêvebiriyên dibistanan.

Heme Seîd diyar kir, navendên nehikûmî jî têkelî vê sîstemê bûne, bikarînerên vê sîstemê roleke wan a girîng hebû, ku niha hejmara wan ji 11 hezar bikarînerên xwendinê derbas bûye, ev jî ji bilî birêvebiriyên dibistanan.