Wezîrê Navxwe yê Tirkiyê sedema teqîna Silopiyê eskere kir

PeyamaKurd – Wezîrê Navxwe yê Tirkiyeyê Alî Yerlîkaya, derbarê teqîna Silopiyê de daxuyanî da û ragihand, li gorî lêkolînên destpêkê yên ligel Wezareta Berevaniyê, êrîş ji ser sînorê Başûrê Kurdistanê hatiye kirin û tê nirxandin ku ji ber neyartiyeke li ser kana komirê ew êrîş hatiye encamdan.

Yerlîkaya daye xuyakirin ku di êrîşê de kesekî can daye û 8 kes jî birîndar bûne ku rewşa 2 birîndaran giran e.

Wezîrê Tirk daye zanîn ku lêkolîna li ser bûyerê dewam dike û ji malbatan re serxasî ji bo birîndaran jî selametî xwest.

Îro piştî nîvro li nêzîkî gundê Gite yê Silopiyê dema minîbuseke karkeran û otomobîlek derbas dibû li ser rê teqîn çêbû.

Şaredarê Silopiyê Nadîr Tosun dabû xuyakirin ku êrîş bi roketê çêbûye û kesekî jî can daye.