Wezîrê berê yê Iraqê: Dema çareserkirina pirsgirêka PKKê hatiye

PeyamaKurd - Wezîrê Berevaniyê yê Iraqê yê berê Xalid Ubeydî li ser rêkeftina Şingalê û hebûna PKKê li wê herêmê got: “Dema çareserkirina pirsgirêka PKKê hatiye, ji ber ku wê gelek pirsgirêk ji Iraqê re peyda kirine.”

Xalid Ubeydî ji K24ê re ragihandiye, “Eger niyazpakî û bawerî di navbera aliyan de hebe, rêkeftina Şingalê dê cîbicî bibe û pirsgirêk jî dê çareser bibin. Pêwîstiya me ji bo her rêkeftinekê, bi niyazpakî û baweriyê heye.”

Ubeydî diyar kir: “Hêzên PKKê di rewşeke aloz de hatin herêmê, ji bo çareserkirina vê pirsgirêkê, pêwîstî bi guftûgoyên siyasî yên kûr û wêrek heye. Di baweriya min de dema wê yekê hatiye ku ev pirsgirêk çareser bibe, ji ber ku di vê rewşê de, pirsgirêkên Iraqê zêde dike.”