Wezîrê Derve yê Fransayê serdana Hewlêr û Bexdayê dike

PeyamaKurd - Wezîrê Derve yê Fransayê Jean-Yves Le Drian, bi serdaneke fermî sibe 16ê Tîrmehê digihe Bexdayê û piştre jî serdana Hewlêrê dike û bi berpirsên pilebilind ên Herêma Kurdistanê re dicive.

Wezareta Derve ya Fransayê ragihand, sibe Pêncşemê Wezîrê Derve yê Fransayê Jean-Yves Le Drian serdana Iraqê dike û ji aliyê Wezîrê Derve yê Iraqê Fuad Husên ve tê pêşwazîkirin û piştre civîneke hevbeş a rojnamevanî li dar dixin.

Hat diyarkirin ku piştî Bexdayê, Wezîrê Derve yê Fransayê serdana Hewlêrê dike û bi berpirsên bilind ên Herêma Kurdistanê re dicive.

Par jî Wezîrê Derve yê Fransayê serdana Herêma Kurdistanê kiribû û bi berpirsên pilebilind ên Herêma Kurdistanê re civiyabû.