Xeta petrolê ya Parzacikê teqiya û agir pêket

PeyamaKurd – Li bajarê Mereşê li navça Pazarcikê li taxa Narli yê xeta petrolê teqiya û paşî agir bi petrolê ket. Sedema teqînê nehat zanîn. Piştî agir bi petrolê ket, şewat ket ser rêya Mereş û Entabê. Li ser agirvêketina petrolê, ji bo ciyê bûyerê gelek tîmên îtfaiyê û ambûlans hatin şandin. Rê ji her dû aliyan ve hat girtin.

Parêzgerê Mereşê Ömer Faruk Coşkun ragihand ku piştî teqînê agir bi petrolê pêketiye. Coşkun weha got:

“Sedema teqînê diyar nîne. Petrol hat rawestandin. Niha mudaxeleyê agir dikin. Bandora şewatê kêm bû. Ji ber petrol heye, mudaxele bi hezir têkirin. Niha talûka agir ji bo jîngehan tine û kes nemiriye. Înşallah wê tîmên me di demekî nêzde agir vemirînin. Xebata me dewam dike.”

Şaredarê navça Pazarcikê İbrahim Yılmazcan got ku tîmên îtfaiyê şandine ciyê bûyerê û weha dewam kir:

“Ciyê bûyerê ji navça ma 17-18 km ye. Temamê tîmên me li deverê ne. Em serdestê bûyerêne lê dibe şewat heya sibê dewam bike. Nêzî jîngeha Narliyê ye. Tirsa me ew e ku bigihê jîngehan. Temamê tîmên me li herêmê dixebitin. Ji bajarê Entabê destek tê. Şertên hewayê karê me dixe zorê. Sipasiya temamê tîmên me dikim.”