Xwepêsandana li dijî hikûmeta Iraqê li Duhokê

PeyamaKurd – Li dijî biryar û siyaseta hikûmeta Iraqê ya li hember Herêma Kurdistanê û şehîdkirina welatiyên Kurd ên li Kerkûkê îro li Duhokê xwepêşandanek tê lidarxistin.

Yek ji organîzatorên xwenîşandana li Duhokê Mela Enes Doskî ji K24ê re ragihand, bi vê xwepêşandanê aliyên siyasî yên Herêma Kurdistanê û civaka navdewletî armanc kirin ku fişarê li hikûmeta Iraqê bikin da ku siyaseta xwe li hember biguherîne. Herêma Kurdistanê.

Hat ragihandin wê gelek rêxistinên sivîl û xelkê Duhokê beşdarî xwepêşandanê bibin.

Piştî ku komeke ser bi Heşda Şeibî li Kerkûkê ligel hin komên Ereb û Tirkmen 5 rojan rêya Kerkûk-Hewlêrê li ber trafîkê girtin û bi astengkirina welatiyan heqaret li ala û sembolên Kurdistanê kirin, Kurdên Kerkûkê dest bi xwepêşandanê kirin û daxwaz kirin ku rê bê vekirin û heqaret bi dawî bibin.

Hêzên ewlehiyê yên Iraqê ku 5 rojan Heşda Şeibî û komên piştevaniya wê diparêzin, gule berdan xwepêşanderên Kurd û di encamê de 4 welatiyên sivîl şehîd bûn û 15 welatî jî birîndar bûn.

Ji aliyê din ve, do Berdevkê Hikûmeta Herêma Kurdistanê Pêşewa Hewramanî di daxuyaniyekê de ragihandibû, ku hikûmeta Iraqê biryar daye ji 940 milyar dînarên ku divê ji bo rayedarên Herêma Kurdistanê bişîne, tenê 500 milyar dînar bişîne.