YE û NATO êrîsa ser Trump sermezar kir

PeyamaKurd – Yekîtiya Ewrûpayê û NATO êrîşa ser Trump şermezar kir. Trump di dema kampanya hilbijartinê de ketibû ber êrîşa yekî çekdar û birîndar bû.

Seroka Komîsyona YE Ursula von der Leyen di ser hesabê xwe yê Xê de, daxwuyaniya xwe ya li ser êrîşa ser Trump da, ji Trump re şîfayê xwest û got ku di demokasiyê de ciyê şiddetê nîne û bûyer wê xistiye şokê.

Serokê konseya Ewrûpayê Charles Michel û sekreterê NATOyê Jens Stoltenberg êrîşê şermezar kirin û ji Trump re şîfayê xwestin.

Sekreterê giştî yê NATOyê Stoltenberg di ser hesabê xwe yê Xê de weha got:

“Ez bi êrîşa ser serokê berê Trump şoke bûm. Jê re şîfayê dixwazim.”

Her weha nûnerê bilind yê karên derve û siyaseta ewlehiyê yê YEyê Borrell, di ser hesabê xwe yê medya civakî Xê de got:

“Car din em bûn şahidê êrîşa ser nûnerê siyasî û ez êrîşê şermezar dikim.”