Yekîtiya Ewropayê ji bo pereyên krîpto dest bi xebatên derxistina yasayê kir!

PeyamaKurd – Hat ragihandin ku Yekîtiya Ewropa (YE) ji bo şopandin û transferên pereyên krîpto yên wekî bitcoin û pereyên din ên dijîtal dixebite ku sererastkirinekê pêk bîne.

Li gorî yasaya YE ku li ser xebat tê kirin, wê hewl bê dayîn ku agahiyên sazî, kes û kompaniyên bitcoin û pereyên din ên krîpto transfer dikin werin tomarkirin û ev jî bi mebesta pêşîgirtina spîkirina pereyên bi rêyên tarî ên wekî terorî û tilyakê hatine bidestxistin pêk tê.

Li gorî pêşniyaryasayê wê kes û kompaniyên pereyên krîpto transferî pereyên welatan bikin, agahiyên wan ên kompaniyê, jimara mişterî, navnîşan, jimara hesab û rojbûna wan bê xwestin.

Herwiha bi yasayê tê xwestin ku cuzdanên anonîm ên krîptoyan jî werin qedexekirin.

Hatiye diyarkirin ku derketina vê yasayê dibe ku heta du salan dom bike.